灃媽推介 (超抵食)北海道男爵薯仔
灃媽又有好朋友肯幫手交收 combi 洗衣粉
係邊.....? 唔知你近唔近.....
就係香港西營盤第二街62號地下嘅
二町目 電話: 2549 0118
灃媽之前住西環卑路乍街南雄.....
又係贊育做產檢......
所以, 灃媽就好近
其實, 灃媽一直都想介紹
[二町目] 比大家識
但係你知啦.
灃媽轉下眼就唔記得左.
哈哈哈
近排, 有媽媽見灃灃咩都食,
問灃媽煑D咩比灃灃食,
我話咩都有煑
總之天然蔬菜...肉...
但係媽媽們好頭痛
佢地話每次食飯好似打仗咁.
灃媽最鐘意發掘平.....靚......正嘅食材.
講返今日嘅主角北海道男爵薯仔先
哈哈.
就係呢盒啦
灃媽超級欣賞日本人處事認真
呢盒男爵薯仔有哂證書
品種,
裁培者姓名,
裁培者地址,
認證號碼,
開始種植日期
收割日期
有無加入肥料和農藥,都必須一一申報
係咪好鬼認真呢?
你係咪以為呢隻薯仔賣好貴呢?
又唔貴喎
只係$18 / 1kg (大嘅 8 ~ 9個)
係咪好抵呢!
北海道男爵薯仔好有薯仔味.
灃媽會用黎
煲番機茄薯仔魚湯
有時煲多D留係冰箱
加烏冬....河粉, 做湯底
或者煑......薯仔肉碎飯
其實, 灃灃由BB開始到宜家 3 歲
薯仔.....節瓜.....南瓜.....粟米......紅蘿蔔
都食好多.......基本上日日食架.
如果,有添加化學物質.....或者農藥....
就真係死得
但係日日食好貴好貴嘅 Organic ......
灃媽係會破產呀!!
所以, 嚴選天然無害嘅食材比灃灃
係灃媽嘅首要任務
其實, 店主 Summer 係 Sogo 跟日本師傅學徒出身
今日嘅{二町目},
就係 Summer 用左 6 年時間
建立左 SOGO 嘅精雕細琢
小小嘅街鋪....產品包羅廣泛
宜家, 由灃媽帶你去睇睇......
欣賞一下點樣由幾百尺嘅地鋪
但係以薄利多銷嘅策略
化身崇光超市.....
黎啦.........
蔬菜站
日本五月薯仔 $15 / 1 KG
日本鹿兒島縣西......蕃薯
灃媽提提你
如果, 想暖暖凍冰冰嘅手仔和腳仔
簡簡單單煑一煲薑汁蕃薯糖水
全家都飲得
係{二町目}買, 仲唔怕買到染色蕃薯添 ! 放心.
{二町目},
所有貨品日日新鮮空運到港
呢隻雞脾菇一包 都係 $ 10 咋
日本南瓜, 日本熊本紫芯蕃薯
日本大根 ( 白蘿蔔 )
有機菠菜苗.....日本菠蘿
嘩.....原裝台灣白苦瓜都有........想健康可以買返屋企榨汁
白苦瓜加雪梨 ....甘荀......清熱毒,
好有效架.
生果站
日本蘋果......灃灃 9 個月大開始食嘅蘋果
係用匙羹一下....一下...磨比灃灃食架
店主 Summer 專挑選當日時令水果
天天不同
果日, 灃媽見到夏威夷木瓜
富士蘋果, 紅色火龍果, 日本巨蜂提子, 日本温室提子, 日本白玉桃
日本柿, 日本柑........夏威夷頭蘋果芒果
土耳其毛花果, 日本温室蜜瓜, 日本小西瓜, 藍梅.......
日本福岡縣開心彩虹奇異果先生
煲湯木瓜都有......
煲湯嘅木瓜主要係無咁熟,
灃媽都有煲木瓜湯比灃灃飲
餵人奶媽媽
可以用木瓜加魚加豬尾骨
煲 兩個鐘, 飲嘅時候用隔油湯壺隔開D油
點解煲骨?
等BB由人奶中多吸收鈣質
媽媽生完BB,
自己都要多補充鈣質架.
有睇開灃媽, 都知道我最鐘意煲骨湯
加拿大盒裝火腿.....灃媽用黎整火腿通粉比灃灃食
日本生烏冬.....仲有煙三文魚
Organic 蘋果汁.....藍梅汁
日版飲品.....水.....可口可樂......橙汁....西瓜汽水.....提子汽水
乾貨站
沙甸魚.....日本粟米.....日本元貝.....日本沙律汁.....日本芝麻醬....冷麵汁....
各式特色蕎麥麵.....
店主 Summer 只售賣佢嘅最愛
即係店主推介
唔好嘅絕對唔賣
呢一份係日本文化傳統........堅持....!!
日本本土出前一丁..........認明正貨呀.
有時灃灃趕住去課外活動....無時間煑
灃媽有時會煑呢D, 起碼有營養D吔嗎!!
好多日本林林總總嘅醬汁
岩鹽.....日本咖哩........牛肉汁.....燒汁
日本辣椒油....打邊爐必備.....Yummy .
仲有好多好多打邊爐即用湯底
灃媽覺得好鬼方便
買定存放係屋企
有時星期日, 工人姐姐放假
我同灃爸就係係屋企打邊爐
一包打邊爐即用湯底
再攞哂雪箱裹面嘅肉.....丸.....瓜....菜
咁咪唔駛煑囉. 哈哈哈
講左咁多配料
論到.......肉類
日本火煱肥牛.........美國牛肋骨.........豬手.......豬肉片......
澳洲羊架......BB青口.......牛扒.....T-bone .......Steak ......
我比灃灃食好多牛架......
男仔要有肌肉先型架......!!
有一樣要提提大家
去 [二町目] 記住
買佢地專乘進口嘅澳洲無荷爾蒙雞翼.......澳洲無荷爾蒙雞翼雞柳.......
佢地仲有台灣手打貢丸.....麻辣丸......芥末丸.....墨魚汁墨魚丸
灃媽好鐘意呢 set 日本純蜜糖
呢度梅酒都好齊
日本青森縣 100% 蘋果汁
灃灃超 Like 呢隻蘋果汁
北海道大粒紅豆
用黎煮紅豆沙或者紅豆糕
灃灃好鐘意
仲有日本北海道黃豆.......用黎煲豆漿比小朋友飲
健康......又放心
日本小蛋糕
灃媽覺得呢隻香蕉蛋糕好食過.... 東京蕉.....無咁甜
{二町目} 仲有日本雞蛋賣
日本豆腐
凍食.....熱食.......都得
入到店揾 Summer 兩公婆介紹下啦.
日本森永牛奶.........日本杏人豆腐
日本豆漿......其實, 日式豆漿火煱都好好味架...!!
店主 Summer 入左好多好多日本小朋友牙仔餅
出面無架
麵色超人和 Hello Kitty !!
西村小饅頭.
係咪.......
地方細細貨品好齊呢?
< 二町目 >
香港西營盤第二街62號地下
電話: 2549 0118
< 二町目 >
係正街室內街市後面
如果係揸車
可以泊係第二街, 二町目斜對面避車處.
去開買日本 Combi 洗衣粉,
記住睇下有咩買返屋企煑比BB食啦 !!
http://fungma.pixnet.net/blog/post/8047228
想和灃灃媽媽做朋友,快D入黎 Like我哋啦!!
灃媽親子日記 - 分享健康生活平台
https://www.facebook.com/hongkongfungma
仲有, 灃媽係醫生網有個專欄
灃媽親子健康專欄@
留言列表