灃媽次次去日本
一定係日本 7-11 便利店
狂掃....?
咩呢.....?
飯團 !!
唔係買返黎.
係即刻食
因為, 實在太多選擇啦!!
起碼超過30款,
仲要係無論早.午.晚
都一樣咁新鮮.
宜家諗起,
都好鬼想食.
哈哈......
今日,
灃媽竟然發現日本飯團<華御結>登陸香港啦!!
呢間係紅磡
海逸豪園商場 日本咖啡店 UCC 對面
標明採用 全日本米
2013 秋季出產
新潟縣新米
仲有米嘅樣本係度比你
touch and feel 下
哈哈哈.
講真
灃媽經過嘅時候係大概 晚上7點
正正想趕回家和灃灃食飯
點知比我遇到呢個年青肥哥哥
嘩.....好有熱誠......
狂 sell 灃媽.
好仔細介紹每一款飯團
沙律....餸菜....特色小食
7 點後
仲有 8折
灃媽為免遇到[掛羊頭買狗肉]嘅騙子
食左失望之餘
又食壞腸胃
當然四週圍睇睇先
見到呢個日本大飯煲
你就知道一定係日本人老闆了
因為,
呢個飯煲煮嘅飯好優質
但係好鬼貴
只有日本人先識欣賞
下次你去日本餐廳
去厨房走一轉
你一睇就知
係中國餐廳扮日本餐廳
係純正日本餐廳
肥哥哥話呢隻純米飯團
好多人買
成份只有米和鹽
每款飯團都有熱量計算
怕肥嘅媽媽都可以食
自己計計卡路里啦!!
灃媽見肥哥哥咁有 Heart !!
買左一個辣嘅明太子飯團
14 蚊.... 8 折
$ 11.2 哈哈.....抵
每件飯團有齊營養和成份
食用日期
全都日本傳統包裝
日本傳統包裝....係點?
就係咁......
日本傳統包裝
係張紫菜和飯團隔開
再一齊包
撕開外面個包裝
再左右撕開膠袋
到食嘅時候
張紫菜係脆卜卜架!!
我唔客氣啦!!
D飯真係好香米味
放係店嘅雪櫃1整天
差不多關門嘅時候
品質都係一流
勁 !!
搞到灃媽
忍唔住.......
又心思思......
肥哥哥又介紹呢款
話好好食.
好啦!!
又黎 $11.2 Wakakaka.......
講真....
餡料唔算特別多
灃媽覺得剛剛好
灃媽相信這個老闆
主力介紹佢地優質嘅日本米多D
因為
灃媽覺得包裝上刻意
將餡料設在一邊
讓顧客清楚分別享受兩種味道
米....香中帶甜
魚...醬油....配菜嘅風味
另外
店內仲有其他美食
蒸蛋.....蜆湯.....沙律.
魚生飯.....各式手卷.
輕食午餐
日本和風料理
8月....推出日本冲繩美食
日本沖繩風苦瓜
便當......白飯仲免費加大呀!!
日本特式小菜係期間限定架.
店內其他美食
沙律
日本醬汁混合飯團
日本鹽燒三文魚飯團
鹽燒鯖魚 181 個卡路里
以預先包裝食物來比較
灃媽覺得真的不錯.
另外,
灃媽好喜歡店內嘅供食區
日式枱椅....簡潔
仲有日本報紙
日本雜誌
簡約....無添加....新鮮
係<華御結>嘅特色
灃媽覺得食一個飯團總比食漢堡包好一些
所以灃灃好鬼鐘意食飯架
一日5餐食飯
佢都無問題架.
哈哈.
原來,
<華御結>已經有10間分店啦.
<華御結>仲有外送服務
係分店附近最低消費 $150
係分店以外地區最低消費 $1000
有時間可以試下
灃媽推介......讚 !!
想收到灃灃...灃媽嘅最新資訊,
快D入黎 Like我哋啦!!
灃媽親子日記 - 分享健康生活平台
留言列表